郭兆明私竇樂無窮

星島日報 2010-07-11

人稱「奇俠商人」的前蒙古共和國駐港領事兼領事館館長郭兆明，一樣是個游手好閒的「退休人仕」。他坦言自己不用搵食，故有很多時間可以玩。向來語出驚人的他開口不怕得罪人。「搵食好難，搵錢就易過借火。」他強調：「搵食要用勞力，搵唔到就無得食，所以好辛苦。搵錢是搵大地資源及機會的錢，話發就發啦，哪裏辛苦？」65歲的郭兆明自言有多個旺區地舖及物業在手，身家多少？他答謂「小康之家」，「以國際標準來講，有１億美金都算小康之家，有幾千萬就話自己係富豪？笑大人個口啦！」

「小康之家」的郭兆明反正不憂衣食，一於遊戲人生，上月立法會九龍西補選，他也湊熱鬧去參選，成為得票最低的一位，他依然無損心情，照樣吃喝玩樂，他在尖沙嘴設個私竇，品茗捉棋、唱歌睇電視，生活能靜也能動，閒來跑去學跳舞，由爵士舞、社交舞、探戈到街舞都難不倒他，近來還萌起學單輪單車，「學無輸贏，主要是為了玩，也想向難度挑戰。」