不謝奇花　睇一眼有着數

Express Weekly 014

年十五元宵睇花燈，國際釋迦文化中心主席郭兆明博士則出海放生，喺洋紫荊號舉行「奇卉賀福年」放生儀式，參加善信有成三百人，有老有嫩，盛惠位位二百元。儀式一開始，郭博士攞咗朵奇花出嚟，話喺呢個地球上一個神秘地方採摘嘅，普通人係攞唔到，自己係因為有人事關係先可以攞到。八通問佢喺邊度又識啲咩人先攞到朵花，郭博士一概唔答。至於朵花有幾奇，就係奇在摘咗落嚟，一般都可以攞上五百日，即係成年幾兩年。若有緣份，睇一眼都有着數。

睇完奇花就食齋宴，之後就有放生儀式。所有善信，一人一盤魚，排住隊去放生。有沙甸、鱸魚等……原來放生啲魚用咗成四、五萬蚊買番嚟，善信放生有如撒錢落海，個樣都幾開心。