助農民啟發智慧

公關小姐繽紛筆, 珠珠, 成報, 2000-03-28

亞洲農業研究發展基金新春團拜晚會，在山光道馬會會所舉行，二百幾人參加，熱鬧無比。文化部副部長艾青春伉儷專程自北京來港出席。博士明（郭兆明）介紹我識李主任，佢係中國扶貧委員會辦公室主任。

博士明以基金會主席身分，介紹由中宣部、文化部、農業部、新聞出版署、共青團中央十一個部委創辦之中國文化扶貧委員會的工作，在委會徐主任設計啟發農民學習的方案下，發揮了協助農民善用環境知識改善貧困生活，亞農基金亦做了大量推動工作。

晚會游藝節目多姿多采。大快活集團羅主席原來係鋼琴高手，發台彈奏一曲，掌聲雷動。

董瑞芝、陳好述、伍秀芳、白茵、文劍飛等分別演唱名曲，為基金籌募經費，一時急管繁弦引得捐款紛紛入箱。

徐博士係應屆中國全國藝術大獎銀獎得主，佢捐出一幅向日葵油畫作義賣，此畫係佢精心作品，價高者得。

歌唱家孫麗英係國家一級演員，佢聯同博士明合作，義唱《莫斯科在郊外外的晚上》。此曲早年在大陸非常流行。珠珠總覺得，曲名論論盡盡，總之唔聚財，莫斯科在郊外，令人丈八金剛。研究下來，問題是一個在字，將此字刪去，簡潔暢順得多。或者，將在字放在頭位，也不至令人費解。

見了陳大狀，問佢是否繼續在馬會游水。佢話有，但不是日日游。唱粵曲呢，繼續唱不停，可惜登台機會太少。我鼓勵佢開演唱會，搵個一流女唱家拍檔，即收旺台之效。佢笑曰：你製唔製？我話未夠班。

梁司長亦係晚會嘉賓。佢外形一貫柔柔弱弱，卻有堅強意志，屬於外柔內剛個隻。曾財神上電台，有聽眾問及俞小姐的拍拖問題，曾財神一時不知如何作答。何以無人問及梁司長的拍拖問題？

亞農研發基金宗旨，一貫重視農業。中國農民最多，歷史傳統以農立國。回顧每個歷史朝代，農業興旺的就是富強的朝代；農業衰落的就會江山不保。人類生存的資源始終依靠大自然，以及辛勞工作的農民，亞農基金不遺餘力，推動啟發農民學習，把農業提升至專業地位，置諸社會工作層面，受人尊重。呢個屬於長遠工作，不是一蹴即可，亞農基金願作馬拉松努力。